آڈیو خبر سنیں
گوادر (ملٹی میڈیا ڈیسک — دورانیہ: 12:45): مکران کی ساحلی پٹی پر آباد لاکھوں خاندانوں کا واحد ذریعہ معاش ماہی گیری سے وابستہ ہے۔ حالیہ برسوں میں سمندری حدود میں نئی پابندیوں، غیر قانونی ٹرالنگ اور جیٹی تک رسائی میں مشکلات نے مقامی ماہی گیروں کے روزگار کو شدید خطرات سے دوچار کر دیا ہے۔
ساحلی بستیوں کی صورتحال
بیداری ڈاٹ نیٹ کی ملٹی میڈیا ٹیم نے گوادر، پشکان، سربندن اور پسنی کا دورہ کیا اور مقامی ماہی گیروں، ناخداؤں اور ماہی گیر تنظیموں کے نمائندوں سے تفصیلی گفتگو کی۔ ماہی گیروں کا کہنا ہے کہ سمندر ان کی شناخت اور بقا کا ضامن ہے اور کسی بھی ترقیاتی منصوبے میں مقامی آبادی کے بنیادی معاشی حقوق کو نظر انداز نہیں کیا جا سکتا۔
اہم مطالبات
- غیر قانونی ٹرالرز کے خلاف فوری اور مؤثر کارروائی کی جائے۔
- مقامی ماہی گیروں کو بغیر کسی رکاوٹ کے سمندر میں جانے کی اجازت دی جائے۔
- ماہی گیری کی قدیم بندرگاہوں اور فش ہاربر میں جدید سہولیات فراہم کی جائیں۔
