کوئٹہ کراچی قومی شاہراہ پر ٹرانسپورٹرز کا احتجاج چوتھے روز میں داخل، تجارتی سرگرمیاں معطل

خضدار / قلات: کوئٹہ کو کراچی اور حب سے ملانے والی مرکزی قومی شاہراہ (این-25) پر مال بردار گاڑیوں اور مسافر کوچز کے مالکان کا احتجاج چوتھے روز بھی جاری رہا، جس کے نتیجے میں پھلوں، سبزیوں اور روزمرہ اشیائے خورونوش کی ترسیل شدید متاثر ہوئی ہے۔

تاجر برادری کے تحفظات

چیمبر آف کامرس اور ٹرانسپورٹ ایسوسی ایشن کے عہدیداروں کا کہنا ہے کہ شاہراہ کے دو رویہ منصوبے میں سست روی اور جگہ جگہ طویل تلاشی کے عمل سے زرعی اجناس وقت پر منڈیوں تک نہیں پہنچ پاتیں جس سے مقامی کاشتکاروں کو کروڑوں روپے کا نقصان اٹھانا پڑتا ہے۔